وفيت ومالقيت الاالخيانه

هذه القصيده كتبتها من شي حصل لي واسف على الاطاله
يادنيا اضحكي مرة أبرسم شكلك الضاحك
وبسرح في تفاصيلك وأدور للشعر فكره

علامه صبحك المشرق بدا لي مظلم حالك؟
علامه وردك تناسى العذوبة واختفى عطره؟

يادنيا اكرهي وصالي لأني اكره وصالك
يادنيا هانت بعيني ليالي وصلك المره

شموسك غيرت لوني مع اني أعشق ظلالك
ودايم أنطر البسمة بشفاتك وانتي مكشره

وفيت وقلت لك صوني وفاي وابعدي أنذالك
وفيت وما لقيت إلا خيانة وصحبة قشره

يادنيا لو توسط لك أبوك وعمك وخالك
وربي مارضى قلبي عليك و قلت لك :بره

طردتك من وسط بالي لأني أكره أمثالك
قسيتي قسوة الظالم عليّ وكنت لي نسره

يادنيا كافي لوعتي ضميري من ردى أفعالك
ولكن بالحشر ربي يحاسب خلقه عالذره

نصيحة صححي وضعك معايا واضبطي حالك
وخلي فرحي يهواني وهمي اكسري ظهره

(وداعا قلت للهم وليل قد بدا حالك )
(وأهلا فيك يا فرحي العزيز داخلي جمره )

(لنحيا لحظة الحبّ فقلبي مغرم هالك )
(لنصفع لحظة الهم بكف بالغ شره )

أحبك وإلا ماأحبك يادنيا مو مهم ( ذلك )
لأنها رحلتي وياك فترة والعمر فتره

لعبتي بقلبي الصافي بجرحك لي وإهمالك
وقلبي اختلطت اوراقه بمد افراحك وجزره

مع اني عارفة أحلامي الكبيرة أسفل ترابك
بيجيني يوم وأتوفى وقلبي يدفن بقبره

رجيتك اضحكي مرة أبرسم شكلك الضاحك
بكيد اليوم عذالي وبشعل فيهم الحره

بشخبط شخبطة طفلة وببهر عالم رجالك
وبكتب بالقلم الأحمر رسالة و بهدي القمره

بخلي عالمك يحسد حروفي وأصغر عيالك
يجيني يطلب التوقيع لما أحقق الشهره

(يادنيا دارت الدنيا عليك فاعلمي ذلك )
(أدنتي خافقي يوما فصرتي للملأ عبره)

وسلامتكم ..

أخـــــــــــوكــــــــــــم/ وفـــــيــــــت ومـــــــالــــقـــــيــــت الاالـــــخـــــيــــــانــــه

رجيتك اضحكي مرة أبرسم شكلك الضاحك
بكيد اليوم عذالي وبشعل فيهم الحره

اللـــه اللــه...مشاءلله تبآآرك الله

صح السآآنــك اخووي

اشهد انك شآآعر ومبدع..

وفالــك البيرق..

تقبلي مروــري..

شموسك غيرت لوني مع اني أعشق ظلالك
ودايم أنطر البسمة بشفاتك وانتي مكشره

وفيت وقلت لك صوني وفاي وابعدي أنذالك
وفيت وما لقيت إلا خيانة وصحبة قشره

,,,,,,,,,,,,,

رائــــــــع اخوووووي وفيت .....

اهنيك على الابداااع ..
....
وانــا معجبه بشعرك...

تحيااااااتي لـــك...

شموسك غيرت لوني مع اني أعشق ظلالك
ودايم أنطر البسمة بشفاتك وانتي مكشره

لآلآلآ

انا مقتر ع الابداع هذا

مشاء الله عليك كلمات روعهـ

ابداع ~~

لآهنت